ZIARANI USA: MAN UNITED KUIVAA BARCELONA USIKU WA MANANE JUMATANO HUKO MARYLAND!

>KUFUATA MAN CITY v REAL MADRID HUKO LOS ANGELES!

USIKU wa Jumatano, Saa 8 na Nusu kuamkia Alhamisi, Manchester United watatinga ndani ya Uwanja unaopakia Mtu 82,000 wa FedEx Field in Landover, Maryland, Washington DC, USA kuwavaa Vigogo wa Spain FC Barcelona.

BARCA MANUNITEDBaada ya kuwatwanga Man City na Real Madrid, Man United wanasaka ushindi mwingine kwenye Mashindano ya International Champions Cup ambao utakuwa ushindi wa 5 katika Mechi zao za Ziara yao huko Marekani wakijitayarisha kwa Msimu mpya.

Katika Mechi zao 2 zilizopita za International Champions Cup, Man United waliitoa 2-0 Man City huko Houston Alhamisi iliyopita kwa Bao za Romelu Lukaku na Marcus Rashford na Jumapili walitoka Sare 1-1 na Real Madrid katika Dakika 90 na kuwabwaga kwa Penati 2-1 huku Bao la Man United likifungwa na Jesse Lingard.

Kabla, katika Mechi za Kirafiki, waliitwanga LA Galaxy 5-2 na kisha Real Salt Lake 2-1 kwenye Mechi ambayo Straika Mpya Romelu Lukaku alifungua Akaunti yake ya Magoli kwa kupiga Bao 1.

Ukiwaondoa Majeruhi, Ander Herrera na Juan Mata, Jose Mourinho anacho Kikosi kamili mbali ya Majeruhi wa muda mrefu Marcos Rojo, Luke Shaw na Ashley Young ambao wote wapo Kambini huko USA wakifanya Mazoezi kipekee.

Akiongelea matayarisho yao huko USA, Jose Mourinho ameeleza: “Hizi Siku 3 hapa DC si tatizo. Baada ya hapo tuna Mechi huko Norway na Ireland, tukisafiri Siku hiyo hiyo kwa masafa mafupi. Nimefurahia matayarisho yetu. Ikiwa Mata na Ander si Majeruhi wa muda mrefu basi ntasema kila kitu safi mno!”

Kwa Barcelona, Mechi hii na Man United itakuwa ni yao ya pili kuelekea Msimu mpya baada kuanza kwa kuichapa Juventus 2-1 Majuzi kwa Bao za Neymar.

Baada Mechi hii na Man United, Barca watawavaa Mahasimu wao Real Madrid Jumamosi huko Miami kwenye Mashindano haya ya International Champions Cup.

Wakati Man United wakikipga na Barca, Mahasimu wa Timu hizo mbili Real Madrid na Man City nao watapambana kuanzia Saa 12 Asubuhi ya Alhamisi huko Los Angeles Memorial Coliseum kwenye Mashindano haya haya ya International Champions Cup.

Timu hizo zote zilitoka kapa Mechi zao za kwanza kwa kufungwa na Manchester United.

Manchester United – Mechi zao kuelekea Msimu Mpya:

15 Julai v LA Galaxy, Stubhub Centre, Los Angeles [5-2]

17 Julai v Real Salt Lake, Rio Tinto Stadium, Sandy, Utah [2-1]

20 Julai v Manchester City, NRG Stadium, Houston, Texas (International Champions Cup) [2-0]

23 Julai v Real Madrid, Levi’s Stadium, Santa Clara, California (International Champions Cup) [1-1, Penati 2-1]

26 Julai v Barcelona, FedExField, Washington DC (International Champions Cup)

30 Julai v Valerenga, Ullevaal Stadium, Oslo

2 Agosti v Sampdoria, Aviva Stadium, Dublin

8 Agosti v Real Madrid, National Arena Filip II, FYR Macedonia (UEFA Super Cup) 

ZIARANI USA: MAN UNITED YAIKWANYUA REAL MADRID!

>>JUMATANO MAN UNITED v BARCELONA HUKO WASHINGTON DC!

Kwenye Mechi ya International Champions Cup iliyochezwa Levi’s Stadium, Santa Clara, California, USA, Manchester United na Real Madrid zilitoka Sare 1-1 katika Dakika 90 za Mchezo na Mshindi kupatikana kwa Mikwaju ya Penati ambapo Man United walishinda kwa Penati 2-1.

FELLAINI BENZEMA 12Man United walifunga Bao Dakika ya 46 ya Kipindi cha Kwanza baada Anthony Martial kuwapita Mabeki Watatu na kumpa Mpira Jesse Lingard alieukwamisha Mpira wavuni.

Hadi Haftaimu, Man United 1 Real Madrid 0.

Kipindi cha Pili kilianza kwa Timu zote kubadili Vikosi vyao.

Katika Dakika ya 52, Man United walilazimika kumtoa Ander Herrera alieumizwa Goti na kumuingiza Chipukizi Scott McTominay.

Real walisawazisha Dakika ya 69 kwa Penati ya Casemiro, Penati iliyotolewa kufuatia Rafu ya Victor Lindelof kwa Theo Hernandez.

Bao hizo 1-1 zilidumu hadi Mpira kumalizika na Mshindi kuamuliwa kwa Tombola ya Penati Tano Tano.

Kwenye Mikwaju hiyo, Man United walifunga Penati zao 2 kupitia Daley Blind na Henrikh Mkhitaryan wakati Martial, McTominay na Lindelof wakikosa.

Real walifunga Penati yao kupitia Luis Sanchez na waliokosa ni Kovacic, Amaiz, Hernandez na Casemiro.

++++++++++

JE WAJUA?

-Hii ni Mechi ya 12 kati ya Man United na Real Madrid.

-Ushindi Real 4 Man United 4, Sare 4

++++++++++

Mbali ya Mechi hii ya Kirafiki, Timu hizi zitapambana tena Agosti 8 huko nchini Macedonia kugombea UEFA SUPER CUP Kombe ambalo hushindaniwa na Bingwa wa UEFA CHAMPIONZ LIGI na yule alietwaa UEFA EUROPA LIGI.

Real walitwaa UEFA CHAMPIONZ LIGI kwa kuitwanga Juventus 4-1 na Man United kubeba UEFA EUROPA LIGI kwa kuifunga Ajax Amsterdam 2-0.

VIKOSI VILIVYOANZA:

Real Madrid: Keylor Navas; Daniel Carvajal, Marcelo, Raphael Varane, Nacho; Toni Kroos, Luka Modric, Isco; Karim Benzema, Lucas Vázquez, Gareth Bale

Manchester United: Sergio Romero; Timothy Fosu-Mensah, Matteo Darmian, Eric Bailly, Phil Jones; Michael Carrick, Jesse Lingard, Marouane Fellaini, Andreas Pereira; Anthony Martial, Marcus Rashford

VIKOSI KIPINDI CHA PILI:

Real Madrid: Kiko Casilla, Achraf Hakimi, Manu, Theo Hernández, Luis Miguel Quezada, Álvaro Tejero, Franchu, Casemiro, Mateo Kovacic, Óscar, Dani Gómez

Manchester United: David de Gea, Matteo Darmian [Antonio Valencia, 72], Chris Smalling, Victor Lindelof, Daley Blind, Ander Herrera [Scott McTominay, 52], Marouane Fellaini, Paul Pogba, Henrikh Mkhitaryan, Anthony Martial, Romelu Lukaku

REFA: K. SCOTT

Manchester United – Mechi zao kuelekea Msimu Mpya:

15 Julai v LA Galaxy, Stubhub Centre, Los Angeles [5-2]

17 Julai v Real Salt Lake, Rio Tinto Stadium, Sandy, Utah [2-1]

20 Julai v Manchester City, NRG Stadium, Houston, Texas (International Champions Cup) [2-0]

23 Julai v Real Madrid, Levi’s Stadium, Santa Clara, California (International Champions Cup) [1-1, Penati 2-1]

26 Julai v Barcelona, FedExField, Washington DC (International Champions Cup)

30 Julai v Valerenga, Ullevaal Stadium, Oslo

2 Agosti v Sampdoria, Aviva Stadium, Dublin

8 Agosti v Real Madrid, National Arena Filip II, FYR Macedonia (UEFA Super Cup) 

JUMAPILI MAN UNITED KUIVAA REAL MADRID HUKO USA!

ICC MANUNITED REALJUMAPILI Usiku, Sasa 6 kwa Saa za Bongo, Manchester United wataingia Levi’s Stadium, Santa Clara, California, USA, kupambana na Mabingwa wa Spain na Ulaya Real Madrid katika Mechi ya International Champions Cup.

Mechi hi ya Kirafiki ni Mechi ya 4 kwa Man United katika Ziara yao huko USA ambako walizifunga LA Galaxy, Real Salt Lake na Mahasimu wao Manchester City.

Kwenye Ziara hiyo, Wachezaji Wapya Victor Lindelof na Romelu Lukaku wameonyesha uwezo mkubwa huku Lukaku akifunga Bao kadhaa.

Kwenye Mechi hii na Real, Meneja Jose Mourinho amedokeza kuwa watatumia Mfumo wa Beki 4 huku Lindelof akicheza Sentahafu.

Mchezaji pekee mwenye hatihati kucheza Mechi hii ni Juan Mata ambae aliumia Enka kwenye Mechi na Real Salt Lake City.

Kwa upande wa Real, chini ya Kocha Zidane Zidane, Mechi hii ni ya kwanza kwao katika matayarisho ya Msimu Mpya na watamkosa Staa wao mkubwa Cristiano Ronaldo ambae amepewa likizo ndefu baada ya kushiriki Mashindani ya FIFA ya Kombe la Mabara akiiwakilisha Nchi yake Portugal huko Russia.

Mbali ya Mechi hii ya Kirafiki, Timu hizi zitapambana tena Agosti 8 huko nchini Macedonia kugombea UEFA SUPER CUP Kombe ambalo hushindaniwa na Bingwa wa UEFA CHAMPIONZ LIGI na yule alietwaa UEFA EUROPA LIGI.

Real walitwaa UEFA CHAMPIONZ LIGI kwa kuitwanga Juventus 4-1 na Man United kubeba UEFA EUROPA LIGI kwa kuifunga Ajax Amsterdam 2-0.

Manchester United – Mechi zao kuelekea Msimu Mpya:

15 Julai v LA Galaxy, Stubhub Centre, Los Angeles [5-2]

17 Julai v Real Salt Lake, Rio Tinto Stadium, Sandy, Utah [2-1]

20 Julai v Manchester City, NRG Stadium, Houston, Texas (International Champions Cup) [2-0]

23 Julai v Real Madrid, Levi’s Stadium, Santa Clara, California (International Champions Cup)

26 Julai v Barcelona, FedExField, Washington DC (International Champions Cup)

30 Julai v Valerenga, Ullevaal Stadium, Oslo

2 Agosti v Sampdoria, Aviva Stadium, Dublin

8 Agosti v Real Madrid, National Arena Filip II, FYR Macedonia (UEFA Super Cup) 

RIPOTI: MMILIKI CHELSEA ROMAN ABRAMOVICH ABARIKI NEMANJA MATIC KUHAMIA MANCHESTER UNITED!

>CHELSEA ‘KUMWINDA’ OX WA ARSENAL!

MATIC FELLAINIBAADA ya dau la awali la Pauni Milioni 35 kugomewa, Manchester United wamezidisha kasi ya kumnunua Kiungo wa kutoka Serbia anaechezea Chelsea Nemanja Matic.

Mwenyewe Matic anataka kuihama Chelsea na kuungana tena na Jose Mourinho ambae ndie alimpeleka Chelsea alipokuwa Meneja huko.

Inaaminika Man United itaongeza Dau na habari za ndani za Chelsea zimedai Mmiliki wa Klabu hiyo, Roman Abramovic, amesharidhia Matic kuondoka Stamford Bridge

kwenda Old Trafford.

Inadaiwa Ada ya kumnunua Matic inaweza ikafika Pauni Milioni 50.

Vile vile, baada ya Chelsea kukamilisha Uhamisho wa Straika wa Real Madrid, Alvaro Morata, sasa njia ipo wazi kwa Diego Costa kuihama Chelsea na kurudi tena Atletico Madrid.

Sasa Morata anatarajiwa kuruka kwenda Singapore kujumuika na Kikosi cha Chelsea ambacho Jumanne ijayo kitacheza Mechi ya International Champions Cup dhidi ya Bayern Munich.

WAKATI huo huo, zipo ripoti nyingine kuwa Chelsea sasa wameanza kutekeleza nia yao ya kumsaini Mchezaji wa Arsenal Alex Oxlade-Chamberlain.

Licha Meneja wa Arsenal Arsene Wenger kudai Oxlade-Chamberlain anataka kubakia Emirates, Mchezaji huyo mwenye Miaka 23 na ambae pia huchezea England yupo kwenye Mwaka wake wa mwisho wa Mkataba wake na ameshamtamkia Wenger kuwa hataongeza Mkataba.

Mbali ya nia ya Chelsea, Oxlade-Chamberlain pia anadaiwa kutakiwa na Liverpool na Manchester City.

Leo Arsenal wanakumbana na Chelsea huko Beijing na kisha kurejea England na hapo ndipo Chelsea wanapanga kuanza kuongea na Arsenal kuhusu Uhamisho wa Mchezaji huyo.

MAN UNITED WAIPIGA MAN CITY HUKO USA!

>LUKAKU, RASHFORD WAPIGA BAO!

MANUNITED LUKAKU RASHFORDManchester United wameifunga Manchester City 2-0 kwenye Dabi ya Manchester ya kwanza kabisa kucheza Nje ya Uingereza iliyochezwa huko NRG Stadium, Houston, Marekani mbele ya Mashabiki 67,401 ikiwa ni ya Mashindano ya International Champions Cup.

Bao za Man United zilifungwa Dakika za 37 na 39 kupitia Romelu Lukaku na Marcus Rashford.

Bao la Kwanza lilitokana na Pasi safi ya Paul Pogba kwa Lukaku na la pili Henrikh Mkhitaryan ndie aliefanya kazi njema.

Mechi inayofuata kwenye Ziara ya Man United ni Julai 23 huko Levi’s Stadium, Santa Clara, California ikiwa pia ni ya Mashindano ya International Champions Cup.

VIKOSI:

Man United: De Gea (Romero 46), Valencia (c) (Fosu-Mensah 78), Lindelof (Bailly 46), Smalling (Jones 46), Blind (Darmian 46), Herrera (Fellaini 62), Pogba, Rashford (Martial 62), Mkhitaryan (Carrick 62), Lingard (A. Pereira 77), Lukaku.

Akiba Hawakutumiwa: J. Pereira, Mitchell, Tuanzebe, McTominay.

Manchester City: Ederson, Walker, Adarabioyo (Mangala 46), Kompany (c) (Stones 46), Fernandinho, De Bruyne (Otamendi 46), Yaya Toure (Diaz 46), Sterling (Nasri 46), Roberts (Sane 46), Foden (Zinchenko 75), Aguero (Jesus 46).

Akiba Hawakutumiwa: Grimshaw, Stones, Reges, Gundogan, Silva, Denaye, Iheanacho, Kolarov.

Manchester United – Mechi zao kuelekea Msimu Mpya:

15 Julai v LA Galaxy, Stubhub Centre, Los Angeles [5-2]

17 Julai v Real Salt Lake, Rio Tinto Stadium, Sandy, Utah [2-1]

20 Julai v Manchester City, NRG Stadium, Houston, Texas (International Champions Cup) [2-0]

23 Julai v Real Madrid, Levi’s Stadium, Santa Clara, California (International Champions Cup)

26 Julai v Barcelona, FedExField, Washington DC (International Champions Cup)

30 Julai v Valerenga, Ullevaal Stadium, Oslo

2 Agosti v Sampdoria, Aviva Stadium, Dublin

8 Agosti v Real Madrid, National Arena Filip II, FYR Macedonia (UEFA Super Cup)