BARCA YAJIZATITI 'KUMTEKA' COUTINHO, LIVERPOOL YANG'ANG'ANA!

==ILA NEYMAR NDIO 'KIZUNGUMKUTI'!!
Barcelona wapo na imani kubwa ya kumsaini Philippe Coutinho kutoka Liverpool hasa kama Neymar atahama.
Coutinho NeymarBarca wanaamini Liverpool itashindwa kuikataa Ofa yao ya Pauni Milioni 89.
Hata hivyo msimamo wa Liverpool hadi sasa ni kuwa Coutinho hauzwi.
Pia Liverpool hawana wasiwasi kabisa kumpoteza kwani Coutinho alisaini Mkataba Mpya Mwezi Januari utakaomweka Anfield kwa Miaka Mitano.
Barca tayari walishatoa Ofa ya Pauni Milioni 72 ambayo Liverpool  waliikataa.
Zipo ripoti kuwa Neymar anatakiwa kwa udi na uvumba na Paris Saint-Germain na ipo nafasi Asilimia 90 Dili hii ikafanikiwa.
Coutinho, ambae amedumu Liverpool kwa Misimu Mitano, amepanda Chati na kuwa Supastaa na sasa ni tegemezi kwa hata Timu ya Taifa ya Nchi yake Brazil na hilo linaifanya Barca iamini ni mbadala mzuri ikiwa Mbrazil mwenzake Neymar ataondoka Nou Camp.

'MGUU NJE' NEYMAR AWIKA BARCA IKIILAZA JUVE HUKO NEW JERSEY!

NEYMAR BARCANeymar alikuwa Nyota wakati Barcelona ikiifunga Juventus 2-1 katika Mechi ya International Champions Cup iliyochezwa huko New Jersey.
Neymar alicheza Kipindi cha Kwanza tu na kupiga Bao zote za Barca ambayo Kocha wao Mpya Ernesto Valverde alichezesha Kikosi tofauti katika kila Kipindi.
Bao pekee la Juve lilifungwa na Kichwa cha Giorgio Chiellini.
Hivi sasa Neymar anaripotiwa sana kuwa yuko mbioni kuhama na kujiunga na PSG kwa Dau la Dunia la Pauni Milioni 196.
Inaaminika kwa sasa ni Klabu ya Paris Saint-Germain pekee ndio iliyobakia na uwezo wa kulipa Dau la Pauni Milioni 196 ambalo ndilo limo kwenye Kipengele cha Mkataba wa Neymar na Barca lilipwe ikiwa Klabu nyingine inamtaka ndani ya Kipindi cha Mkataba huo.
Hivi Juzi, Rais wa Barcelona Josep Bartomeu alitamka Neymar hauzwi na Klabu kumtaka Mbrazil huyo azungumze bayana kwamba atabakia Barca lakini amekaa kimya tu.
Jumatano Julai 26, Barca itacheza na Man United huko FedExField, Washington DC, USA katika Mechi nyimgine ya International Champions Cup.
 

NEYMAR KUNG’OKA BARCA KWAKARIBIA!

NEYMARVYANZO vya habari vimedai sasa upo uwezekano mkubwa mno wa Mchezaji wa Brazil Neymar kuihama Barcelona.

Imeelezwa Neymar amevunjwa moyo na ‘kufichwa’ na mafanikio ya Mchezaji mwenzake wa Barca Lionel Messi na pia kusakamwa na Kesi Mahakamani zinazohusisha Uhamisho wake kutoka Santos ya Brazil kwenda Barcelona na hayo yamemsukuma kutaka kuondoka Barcelona.

Vyanzo hivyo vimedai kuwa kitu pekee kitakachombakiza Neymar huko Barca kwa sasa ni miujiza tu.

Chanzo kimedai: “Akiwa na Umri wa Miaka 25, sasa anafikiria ni wakati muafaka wa kutwaa Tuzo ya Ballon d'Or lakini hiyo ataipata tu akihamia Klabu nyingine!”

Inaaminika kwa sasa ni Klabu ya Paris Saint-Germain pekee ndio iliyobakia na uwezo wa kulipa Dau la Pauni Milioni 196 ambalo ndilo limo kwenye Kipengele cha Mkataba wa Neymar na Barca lilipwe ikiwa Klabu nyingine inamtaka ndani ya Kipindi cha Mkataba huo.

Hivi Juzi, Rais wa Barcelona Josep Bartomeu alitamka Neymar hauzwi na Klabu kumtaka Mbrazil huyo azungumze bayana kwamba atabakia Barca lakini amekaa kimya tu.

LA LIGA

Ratiba Msimu Mpya 2017/18

EL CLASICO: Real Madrid vs Barcelona (Wikiendi 20/12/17), Barcelona vs Real Madrid (Wikiendi 6/5/18)

Real Madrid v Barcelona - matchday 17

Barcelona v Real Madrid - matchday 26

Mechi za Ufunguzi kuchezwa Agosti 18-21

Athletic Bilbao v Getafe

Barcelona v Real Betis

Celta Vigo v Real Sociedad

Deportivo La Coruna v Real Madrid

Girona v Atletico Madrid

Leganes v Alaves

Malaga v Eibar

Sevilla v Espanyol

Valencia v Las Palmas

Villarreal v Levante

LA LIGA: RATIBA MSIMU MPYA 2017/18 YATOKA, MABINGWA REAL KUANZA UGENINI, BARCA NYUMBANI!

LALIGA 2017 MBIORATIBA ya Msimu Mpya wa La Liga wa 2017/18 imetoka na Mechi za kwanza kuchezwa Wikiendi ya kuanzia Agosti 18 ambapo Mabingwa Real Madrid wataanza utetezi wao Ugenini dhidi ya Deportivo La Coruna wakati Timu ya Pili Barcelona wataanza kwao Nou Camp kwa kucheza na Real Betis.

Vigogo hao Wawili watakutana uso kwa uso kwenye inayobatizwa El Clasico Wikiendi ya kuanzia Desemba 20 Uwanjani Santiago Bernabeu na kurudiana huko Nou Camp Wikiendi ya kuanzia Mei 6 kwenye Raundi ya 36 zikibaki Mechi 2 tu Ligi kumalizika.

Timu iliyomaliza Nafasi ya 3, Atletico Madrid, wao wataanza Kampeni Nyumbani kwao dhidi ya Girona FC wakati Sevilla wakicheza na Espanyol.

EL CLASICO: Real Madrid vs Barcelona (Wikiendi 20/12/17), Barcelona vs Real Madrid (Wikiendi 6/5/18)

Real Madrid v Barcelona - matchday 17

Barcelona v Real Madrid - matchday 26

Mechi za Ufunguzi kuchezwa Agosti 18-21

Athletic Bilbao v Getafe

Barcelona v Real Betis

Celta Vigo v Real Sociedad

Deportivo La Coruna v Real Madrid

Girona v Atletico Madrid

Leganes v Alaves

Malaga v Eibar

Sevilla v Espanyol

Valencia v Las Palmas

Villarreal v Levante

MORATA ATUA LONDON, NJIANI STAMFORD BRIDGE!

Alvaro Morata ametua Jijini London akiwa njiani kwenda Stamford Bridge kukamilisha Uhamisho wake kujiunga na Chelsea kutoka Real Madrid ya Spain.
Chelsea Morata ConteMabingwa wa England Chelsea wamelazimika kumsaka Morata baada kumkosa Romelu Lukaku aliewahiwa na Manchester United.
Chelsea wanataka Straika wa kumbadili Diego Costa ambae hatakiwi na Meneja Antonio Conte.
Hivi sasa Costa yupo mbioni kurudi tena Atletico Madrid.
Morata, mwenye Miaka 24 na ambae pia yumo Timu ya Taifa ya Spain, ameelezea furaha yake kukumuika tena na Antonio Conte waliokuwa wote huko Italy na Juventus.
Conte ndie aliemsaini Morata Mwaka 2014 kutoka Real.
Akiwa Chelsea, Morata ataungana na Wachezaji wengine toka Soain kina Cesar Azpilicueta na Cesc Fabregas.
Msimu uliopita huko Spain Morata alipachika Bao 15 licha kukosa namba ya kudumu Real akiwa nyuma ya Cristiano Ronaldo, Karim Benzema na Gareth Bale katika chaguo la Kocha Mkuu Zinedine Zidane.