DFB-POKAL: AUBAMEYANG AIPA KOMBE BVB!

AUBAMEYANG-DHAHABUPENATI ya Dakika ya 67 ya Pierre-Emerick Aubameyang imewapa DFB-POKAL, Kombe la Germany, Borussia Dortmund BvB walipoifunga Eintracht Frankfurt 2-1 kwenye Fainali iliyochezwavJana huko Olympiastadion Jijini Berlin.
Dortmund walifunga Bao la Kwanza Dakika ya 8 Mfungaji wao akiwa Ousmane Dembele.
Eintracht Frankfurt walisawazisha Dakika ya 29 kupitia Ante Rabic na nusura Haris Seferovic awape Bao la Pili baada kupiga Posti.
Hadi Haftaimu Bao zilibaki 1-1.
Kipindi cha Pili Dakika ya 67 BvB walipewa Penati baada ya Christian Pulisic kuangushwa na Aubameyang akafunga Penati hiyo likiwa Bao lake la 40 Msimu huu na kuwapa Dortmund ushindi wa 2-1 na kuwapa Kombe.
Kutwaa DFB-POKAL kumewapa furaha kubwa Dortmund ambao wamekuwa wakipigwa katika Fainali 3 mfululizo zilizopita.
 

MOURINHO, ‘THE MANCHESTER ONE’, BORA KUCHEZA UEFA CHAMPIONZ LIGI NJIA HII KULIKO KUMALIZA NAFASI YA 4, 3 AU 2!

>’SASA TUMETWAA KILA KOMBE DUNIANI!’

MANUNITED-MABINGWA-EUROPALIGIMENEJA wa MABINGWA WA ULAYA wa EUROPA LIGI, Jose Mourinho, amesema Ubingwa huo unastahili kwao hasa baada ya kubatizwa ‘Timu mbovu Duniani’ mara kadhaa kwenye Msimu huu.

Jana, Bao za Paul Pogba na Henrikh Mkhitaryan ziliwapa Man United ushindi wa 2-0 dhidi ya Ajax Amsterdam kwenye Fainali ya UEFA EUROPA LIGI na kubeba Kombe ambalo Man United walikuwa hawajawahi kulitwaa Ulaya licha kubeba mengine yote.

Kwenye Msimu wa Kwanza akiwa na Man United, Timu hii ya Mourinho ilimaliza EPL, LIGI KUU ENGLAND, ikiwa Nafasi ya 6 lakini kwa kuzoa Kombe la UEFA EUROPA LIGI Man United sasa watacheza UEFA CHAMPIONZ LIGI Msimu ujao wakianzia Makundi.

Kwa mujibu wa Mourinho, ambae pia Msimu huu walibeba Ngao ya Jamii na EFL CUP, Msimu huu ulikuwa ni mafanikio.MANUNITED-MOU-SON

×××××××

JE WAJUA?

-Jose Mourinho ameshinda Fainali zote 4 za Ulaya alizotinga kama Meneja akitwaa UEFA CUP 2003 na UEFA CHAMPIONZ LIGI 2004 akiwa na FC Porto, na UEFA CHAMPIONZ LIGI 2010 akiwa na Inter Milan.

-Mourinho amedumisha Rekodi yake ya 100% ya ushindi dhidi ya Ajax katika Mechi zote 7 alizocheza nao.

×××××××

Ameeleza: “Ni mwisho wa Msimu mgumu. Lakini ni Msimu mzuri mno!”

Aliongeza: “Tulipendelea kufuzu UEFA CHAMPIONZ LIGI kwa njia hii kupita ile ya kumaliza Nafasi ya 4, 3 au 2! Tumetimiza lengo kwa kutwaa Ubingwa wa Kombe la Ulaya, Taji muhimu. Sasa Klabu ina kila Taji Duniani!”

Mourinho alieleza: “Sasa tuna heshima ya kucheza UEFA SUPER CUP na Bingwa Mpya wa UEFA CHAMPIONZ LIGI, kwa hiyo Msimu huu ulikuwa mzuri mno!”

×××××××

JE WAJUA?

-MAN UNITED wamejumuika na Ajax, Bayern Munich, Chelsea na Juventus kuwa Klabu pekee zilizonyakua Makombe yote ya UEFA huko Ulaya.

-Vikombe hivyo ni UEFA CHAMPIONZ LIGI, UEFA Cup Winners' Cup, UEFA Cup/UEFA EUROPA LIGI

×××××××

Nae Mchezaji wa zamani wa Man United na Kepteni wa England, David Beckham, amesema Usiku wa Jana ulikuwa muhimu kuliko Michezo na ulikuwa Usiku mkubwa kwa Man United lakini mkubwa sana kwa Jiji la Manchester na Nchi yao.

Maneno ya Beckham yalilenga kuomboleza Msiba mkubwa uliolikumba Jiji la Manchester baada ya Mlipuko wa Bomu ulioua Watu 22 kwenye Ukumbi wa Muziki Siku 2 kabla Fainali hii ya UEFA EUROPA LIGI.

Ander Herrera, aliezoa Tuzo ya Mchezaji Bora wa Fainali hiyo, amesema ushindi wao wa Man United ni kwa ajili ya Wahanga wa Shambulizi la Bomu.

Alinena: “Hii ni Soka tu lakini kilichotokea Siku 2 zilizopita ni kibaya mno! Tunataka Amani Duniani, Dunia ya kawaida ya heshima!”

UEFA EUROPA LIGI FAINALI - JUMATANO: AJAX v MAN UNITED, PATA DONDOO MUHIMU!

FRIENDS ARENA Mjini Stockholm Nchini Sweden kesho ndio Dimba la Fainali ya UEFA EUROPA LIGI kati ya Klabu ya Netherlands Ajax Amsterdam na Manchester United ya England.
UEL-FINALMbali ya kuwania Kombe pia Mshindi wa Fainali hii atatinga moja kwa moja Hatua ya Makundi ya UCL, UEFA CHAMPIONZ LIGI, na hilo ni muhimu mno kwa Man United kuliko Ajax kwani wao wamekosa nafasi hiyo baada ya kumaliza Nafasi ya 6 kwenye EPL, Ligi Kuu England, wakati Ajax wao wamepata Nafasi ya kucheza UCL kwa kumaliza Nafasi ya Pili kwenye Ligi ya kwao.
Hapo Kesho Ajax watakuwa wakiwania kutwaa Kombe la Ulaya kwa mara ya kwanza baada Miaka 22 wakati Man United wanalitaka Kombe pekee la Ulaya ambalo hawajawahi kulitwaa baada kutwaa mengine yote yaliyobakia.
Hii itakuwa ni mara ya 5 kwa Ajax na Man United kupambana kwenye Mashindano Barani Ulaya na kila Timu kushinda mara 2 ingawa mara zote hizo Man United kuibuka kidedea katika Mechi 2.
Mara ya kwanza Timu hizi zilikutana kwenye UEFA CUP Msimu wa 1976/77 na Ajax kushinda 1-0 Mechi ya kwanza huko kwao lakini Man United ikashinda 2-0 huko Old Trafford na kuibwaga Ajax.
Mara ya Pili ni Msimu wa 2012/13 kwenye UEFA EUROPA LIGI Raundi ya Mtoano ya Timu 32 ambayo Man United walishinda 2-0 huko Amsterdam kwa Bao za Ashley Young na Javier Hernández 'Chicharito' na Mechi ya Pili huko Old Trafford Ajax walishinda 2-1 na kutupwa nje ya Mashindano kwa Jumla ya Mabao 3-2.
×××××××
JE WAJUA?

-MAN UNITED wanasaka kujumuika na Ajax, Bayern Munich, Chelsea na Juventus kwa kuwa Klabu pekee zilizonyakua Makombe yote ya UEFA huko Ulaya.
-Vikombe hivyo ni UEFA CHAMPIONZ LIGI, UEFA Cup Winners' Cup, UEFA Cup/UEFA EUROPA LIGI
×××××××
Ajax, chini ya Kocha Peter Bosz, wanasaka kutwaa Kombe lao la kwanza tangu Bosi huyo atue hapo Mwezi Mei Mwaka Jana. 
Nae Jose Mourinho, alianza kazi Man United mwanzoni mwa Msimu huu na tayari ashatia Kabatini Ngao ya Jamii na EFL CUP huko England na sasa analitaka Kombe hili ili Msimu ujao atinge UEFA CHAMPIONZ LIGI baada kumaliza Nafasi ya 6 kwenye EPL, LIGI KUU ENGLAND.
Hali za Timu
Ajax ni Timu inayocheza kwa kushambulia kwa haraka kwa mfumo wa kaunta ataki na Msimu huu kwenye Mashindano haya wamefunga Bao 24 wakati Man United wamepachika 23 katika Mechi 14.
Ajax, kikawaida, hutumia Mfumo wa 4-3-3 na Mtu 3 zao za Fowadi ni Kasper Dolberg, Bertrand Traore, ambae ni wa Mkopo kutoka Chelsea, na Amin Younes huku Fowadi wa Miaka 17, Justin Kluivert, Mwana wa Lejendari Patrick Kluivert, mar kwa mara akiingizwa kuongeza nguvu kwenye Wingi.
Kwa Man United, kumkosa Mkongwe Zlatan Ibrahimovic ambae ameumia na aliepiga Bao 5 kwenye Mashindano haya ni pigo lakini yupo Kinda Marcus Rashford ambae ni moto.
Pia kumkosa Ibrahimovic kunaweza kumfanya Jose Mourinho akabadili Mfumo kutoka ule wa jawaida yao wa 4-2-3-1.
Nguvu kubwa ya Ajax ipo kwenye Kiungo chao na hasa Davy Klassen na Lasse Schone na endapo Ander Herrera na Paul Pogba wataibuka juu yao, Difensi ya Ajax, hasa Masentahafu Davinson Sanchez na Nick Viergever, si imara kiasi hicho kwani huwa mchecheto kwenye presha na wao na Kipa wao Onana hufanya makosa mengi kwenye hali hiyo.
VIKOSI VINATARAJIWA KUWA:
AJAX: Onana; Tete, De Ligt, Sanchez, Veltman; Klaassen, Schone, Ziyech; Traore, Dolberg, Younes
MAN UNITED: Romero; Valencia, Blind, Jones, Darmian; Herrera, Fellaini, Pogba; Lingard, Rashford, Mkhitaryan
REFA: Damir Skomina (Slovenia)
 
 
 
 

BUNDESLIGA: AUBAMEYANG AIPENYEZA DORTMUND UEFA CHAMPIONZ LIGI NA YEYE KUZOA BUTI YA DHAHABU!

>>LAHM, ALONSO WAAGWA BAYERN!

AUBAMEYANG-DHAHABUSTAA KUTOKA AFRIKA Nchi ya Gabon, Pierre-Emerick Aubameyang, Jana alifunga Bao 2 wakati Borussia Dortmund inaichapa Werder Bremen 4-3 na kumaliza Bundesliga wakiwa Nafasi ya 3 na hivyo kufuzu kucheza UEFA CHAMPIONZ LIGI Msimu ujao.

Bao la ushindi la Dortmund lilifungwa Dakika ya 89 kwa Penati aliyofunga Aubameyang.

Bao hilo limemfanya Aubameyang awe amefunga Jumla ya Bao 31 kwenye Mechi 32 za Bundesliga huku Bao nyingine 7 akizifunga kwenye Mechi za UEFA CHAMPIONZ LIGI.

Kwa Msimu wa Bundesliga wa 2016/17, Aubameyang ameshinda Buti ya Dhahabu akiwa ndie Mfungaji Bora akimpiku Robert Lewandowski wa Bayern Munich mwenye Bao 30.

Nao Mabingwa wa Bundesliga, Bayern Munich, walimaliza Msimu kwa kuwachapa 4-1 SC Freiburg na hivyo kuzoa Pointi 82 kwa Mechi 34 wakifuatia RB Leipzig wenye 67 na Dortmund wenye 64.

Timu zote hizo 3 zitaiwakilisha Germany kwenye UEFA CHAMPIONZ LIGI.

Katika Mechi hiyo ya Jana ya mwisho wa Msimu wa Bayern Munich, Klabu hiyo pia ikiwaaga Nahodha wao Philipp Lahm na Mchezaji kutoka Xabi Alonso ambao wameamua kustaafu.

Lahm, mwenye Miaka 33, Jana ilikuwa Gemu yake ya 517 kwa Bayern na alipewa zawadi mwisho wa Gemu hiyo.

 

Wengine waliostaafu Jana na kupewa zawadi ni Xabi Alonso, 35, na Kipa Tom Starke, 36.

BAYERN-ALONSO-LAHM

COPPA ITALIA: JUVE YABEBA KOMBE!

COPPA-ITALIA-2017JANA Mabingwa wa Italy Juventus wamebeba Coppa Italia kwa mara ya 12 ikiwa ni Rekodi kwa kuichapa Lazio 2-0 kwenye Fainali iliyochezwa Stadio Olimpico Jijini Rome huko Nchini Italy.
Kwa kubeba Kombe hili Juve sasa wamekamilisha awamu ya kwanza ya Trebo Msimu huu kwani Wikiendi hii inayokuja wanaweza kutetea vyema Ubingwa wao wa Serie A kwa mara ya 6 mfululizo na hapo Juni 3 wanaweza kutwaa Ubingwavwa UEFA CHAMPIONZ LIGI wakiwafunga Mabingwa Watetezi Real Madrid huko Cardiff, Wales.
Jana Bao za ushindi za Juve zilifungwa na Mabeki wao Dani Alves Dakika ya 12 na Leonardo Bonucci katika Dakika ya 24.
Juve, chini ya Kocha Massimiliano Allegri, wamekuwa Timu ya kwanza kubeba Coppa Italia mara 3 mfululizo.
Kwa Lazio hii ilikuwa ni Fainali yao ya 3 katika Miaka Mitano.
VIKOSI:

Juventus: Neto; Barzagli, Bonucci, Chiellini, Alex Sandro; Marchisio, Rincon; Dani Alves, Dybala (Lemina 78), Mandzukic; Higuain

Lazio: Strakosha; Bastos (Felipe Anderson 52), De Vrij (Luis Alberto 69), Wallace; Basta, Biglia, Parolo (Radu 20), Milinkovic-Savic, Lulic; Immobile, Keita

REFA: Tagliavento