MAN UNITED ONYO, ERIC BAILLY AFUNGIWA MECHI 3 NA UEFA!

>KUIKOSA UEFA SUPER CUP NA REAL AGOSTI 8!

MANUNITED BAILLY REDBEKI wa Manchester United Eric Bailly amepewa Kifungo cha Mechi 3 na UEFA kufuatia Kadi Nyekundu aliyopewa kwenye Mechi ya Nusu Fainali ya UEFA EUROPA LIGI dhidi ya Celta Vigo Msimu uliopita.

Bailly, Mchezaji mwenye Umri wa Miaka 23 kutoka Ivory Coast, alitolewa nje Mei 11 na kuikosa Mechi ya Fainali ya UEFA EUROPA LIGI iliyochezwa Mei 11 ambapo Man United walibeba Kombe kwa kuiwasha Ajax Amsterdam 2-0.

Leo UEFA wameamua kuongeza Kifungo hicho kwa Mechi 2 zaidi.

Bailly sasa ataikosa Mechi ya UEFA SUPER CUP itakayochezwa Agosti 8 dhidi ya Real Madrid huko Macedonia na Mechi ya Kwanza ya Man United ya Makundi ya UEFA CHAMPIONZ LIGI ya Msimu ujao.

Kwa Sheria za UEFA, Adhabu hii haiwezi kukatiwa Rufaa kwani wao hukubali tu Rufaa za Mchezaji kutolewa nje Kimakosa wakati yeye si alietenda Kosa Uwanjani.

Kwenye Mechi hiyo na Celta Vigo, Bailly alipewa Kadi Nyekundu kwa kuvaana na John Guidetti, aliekuwa Straika wa zamani wa Man City, na pia Mchezaji wa Celta Vigo, Facundo Roncaglia, nae kutolewa hapo hapo kwa kurudishia.

Mbali ya UEFA kumpiga Rungu kali Bailly, pia Klabu yake Man United imepewa onyo kwa kuchelewesha kuanza kwa Mechi hiyo na Celta Vigo.

ENGLAND – UHAMISHO: MORATA AFUZU VIPIMO CHELSEA, ZOUMA ATOKA CHELSEA YUPO STOKE, LIVERPOOL YAMSAINI DEFENDA WA HULL!

PATA UHAMISHO ULIOBAMBA LEO HII:

CHELSEA MORATAMORATA

STRAIKA wa Spain wa Klabu ya Real Madrid Alvaro Morata sasa ananyemelea kutua moja kwa moja kwa Mabingwa wa England Chelsea baada ya kufuzu Vipimo vya Afya yake.

Wikiendi hii, Morata anatarajiwa kuruka kwenda Singapore kujiunga na Kikosi cha Chelsea ambacho kitakuwa huko kwa Ziara ya Mechi za Matayarisho kwa ajili ya Msimu Mpya.

Morata, mwenye Miaka 24, amehamia Chelsea kwa Ada ya Pauni Milioni 58 na alirejea tena Real mwanzoni mwa Msimu uliopita kutoka Juventus na kuifungia Real Bao 20 katika Mechi zake 43 akiisaidia Timu hiyo kutwaa Ubingwa wa La Liga na UEFA CHAMPIONZ LIGI.

Staa huyo atakuwa Mchezaji wa Nne kusainiwa na Meneja Antonio Conte baada ya kuwanasa Willy Caballero, Antonio Rudiger na Tiemoue Bakayoko.CHELSEA ZUMA

STOKE YAMSAINI BEKI WA CHELSEA KURT ZOUMA MKOPO MSIMU MMOJA

Wakati Chelsea ikitangaza kumpa Mkataba Mpya wa Miaka 6 Beki wao wa Miaka 22 Kurt Zouma, pia imetangaza Beki huyo atahamia Stoke City kwa Mkopo wa Msimu Mmoja.

Zouma, Beki wa Kimataifa wa France, alijiunga na Chelsea kutoka Saint-Etienne ya France kwa Dau la Pauni Milioni 12 Mwezi Januari 2014.

Msimu uliopita, aliichezea Chelsea Mechi 13 chini ya Meneja Antonio Conte lakini akaja kupata maumivu yaliyomweka nje kitambo.

Akimpokea Kijana huyo, Meneja wa Stoke Mark Hughes amemwelezea Zouma kuwa ni Beki Kijana mwenye uwezo mkubwa.

LIVERPOOL YAMSAINI DEFENDA WA HULL!

Liverpool imemsaini Beki wa Hull City Andrew Robertson kwa Ada ya Awali ya Pauni Milioni 8 ambayo inaweza kuongezeka hadi Pauni Milioni 10.

LIVERPOOL ROBERTSONRobertson, mwenye Miaka 23 na ambae pia huichezea Timu ya Taifa ya Scotland, alijiunga na Hull City kutoka Dundee United ya Scotland kwa Dau la Pauni Milioni 2.85 Mwaka 2014 na kuichezea Mechi 39 Msimu uliopita wakati Hull wakiporomoka kutoka EPL, LIGI KUU ENGLAND, na kutupwa Daraja la chini la Championship.

Uhamisho huu wa Robertson kwenda Liverpool pia utauinufaisha Dundee ambao wanatarajiwa kupata Mgao wa Pauni 600,000.

Robertson anakuwa Mchezaji wa 3 kusainiwa na Liverpool katika kipindi hiki cha Uhamisho na wengine ni Winga wa Egypt alietoka Klabu ya Italy AS Roma Mohamed Salah na Straika Chipukizi kutoka Chelsea Dominic Solanke.

MABINGWA CHELSEA WATUA CHINA BILA MASTAA KADHAA, WAPO CHIPUKIZI WANNE NA STRAIKA ALIESAHAULIKA LOIC REMY!

=JUMAMOSI KUIVAA ARSENAL!
CHELSEA SAFARIKIKOSI cha Mabingwa wa England Chelsea kimepaa kwenda Ziarani China na Singapore bila Mastaa wao Wanne lakini kina Chipukizi Wanne huku pia Meneja Antonio Conte akitoa nafasi kwa Straika aliesahaulika Loic Remy.
Asubuhi hii, Chelsea wametua salama huko China.
Mastaa ambao hawamo kwenye msafara ni Majeruhi Eden Hazard na Mchezaji Mpya Tiemoue Bakayoko.
Wengine ambao hawamo Kikosini wakihusishwa na kuhama ni Diego Costa, Nemanja Matic na Kurt Zouma.
Mwingine ambae hayumo Kikosini ni Mchezaji Mpya Antonio Rudiger ambae bado yupo Vakesheni baada kuitumikia Germany kwenye Mashindano ya FIFA ya Kombe la Mabara.
Kikosini wamo Chipukizi Wanne ambao ni Jake Clarke-Salter, Fikayo Tomori, Marcin Bulka na Kyle Scott.
Pia yumo Straika wao mwenye Miaka 30 Loic Remy ambae hajasikika kwa muda mrefu sasa.
CHELSEA - Kikosi Ziarani: 
Makipa: Thibaut Courtois, Willy Caballero, Eduardo, Marcin Bulka
Mabeki: Cesar Azpilicueta, Gary Cahill, David Luiz, Andreas Christensen, Tomas Kalas, Jake Clarke-Salter, Fikayo Tomori, Marcos Alonso, Kenedy
Viungo: Cesc Fabregas, N'Golo Kante, Mario Pasalic, Lewis Baker, Kyle Scott, Pedro, Willian, Victor Moses
Mafowadi: Charly Musonda, Jeremie Boga, Michy Batshuayi, Loic Remy
MECHI ZAO:
Julai 22 - Arsenal, 1440pm, Bird's Nest Stadium, Beijing
Julai 25 - Bayern Munich, 1435pm, National Stadium, Singapore
Julai 29 - Inter Milan, 1435pm, National Stadium, Singapore 

LIVERPOOL YAANUA UZI MPYA, RANGI YA CHUNGWA!

LIVERPOOL UZI MPYALIVERPOOL imetangaza rasmi Jezi yake mpya ya 3 kwa ajili ya Msimu Mpya wa 2017/18 na Jezi hizo zina Rangi ya Chungwa.

Klabu hiyo inayocheza EPL, LIGI KUU ENGLAND, itakuwa na Jezi za aina 3 na Jana ilitoa Video ikitangaza Jeizi hiyo ya Rangi ya Chungwa zilizovaliwa na Wachezaji wao Jordan Henderson, Philippe Coutinho na Daniel Sturridge.

Hivi sasa Liverpool wapo kwenye Mazoezi ya Matayarisho ya Msimu Mpya na tayari wamecheza Mechi 2 za kujipima wakiitwanga Tranmere Rovers 4-0 hapo Julai 12 na kisha kutoka Sare 1-1 na Wigan Athletic na Mohamed Salah, Mchezaji wao Mpya, akifunga hilo Bao lao moja.

Liverpool – Uhamisho katika kipindi hiki:

Ndani

Mohamed Salah (Roma) Ada Haikutajwa

Dominic Solanke (Chelsea) Uhamisho Bure [Mchezaji Huru]

Nje

Andre Wisdom (Derby County) Ada Haikutajwa

Liverpool – Mechi za kuelekea Msimu Mpya:

12 Julai v Tranmere Rovers, Prenton Park, Birkenhead [4-0]

14 Julai v Wigan Athletic, DW Stadium, Wigan [1-1]

19 Julai v Crystal Palace, Hong Kong Stadium, Hong Kong (PL Asia Trophy)

22 Julai v West Brom/Leicester City, Hong Kong Stadium, Hong Kong (PL Asia Trophy)

29 Julai v Hertha BSC, Olympiastadion Berlin

1 Agosti v Bayern Munich/Atletico Madrid/Napoli, Allianz Arena (Audi Cup) 

2 Agosti v Bayern Munich/Atletico Madrid/Napoli, Allianz Arena (Audi Cup) 

5 Agosti v Athletic Club, Aviva Stadium, Dublin

UCL, UEFA CHAMPIONZ LIGI 2017/18 – DROO RAUNDI YA 3 MTOANO, AJAX KUIVAA NICE YA MARIO BALOTELLI!

>PATA RIPOTI, RATIBA, KALENDA YA KILA RAUNDI!

UCL SIT SAFIMSIMU MPYA wa UCL UEFA CHAMPIONZ LIGI, wa 2017/18 tayari ulishaanza kwa Mechi za Raundi ya Kwanza Mtoano na Mechi za Raundi ya Pili ya Mtoano ambapo Juzi zilichezwa Mechi za Kwanza na Marudiano ni Julai 18 na 19 lakini sasa Droo ya Mechi za Raundi ya Tatu ya Mtoano imefanywa Jana huko Nyon, Uswisi.

Hatua ya sasa ni Mechi za Marudiano za Raundi ya Pili Mtoano ambayo ina Mechi 17 na Washindi wake kusonga Raundi ya 3 ya Mtoano.

Kwenye Droo ya Jana ya Raundi ya Tatu ya Mtoano, Ajax Amsterdam imepangwa kucheza na Nice ya France ambayo ina Mchezaji maarufu Mario Balotelli.

Raundi hiyo pia ina Klabu maarufu za Celtic, CSKA Moskva, Dynamo Kyiv na Olympiacos.

Washindi wa Raundi ya Tatu Mtoano watasonga Raundi ya Mwisho ya Mchujo ambako zitaingia Timu vigogo Liverpool, Sevilla, Napoli, Hoffenheim na Sporting Lisbon.

Droo ya Raundi ya Mwisho ya Mchujo itafanywa Agosti 24.

Washindi 10 wa Raundi hiyo wataingizwa Droo ya kupanga Makundi ambayo itafanywa Agosti 24 ambapo ina Klabu 22 zilizofuzu moja kwa moja Hatua hii wakiwemo Mabingwa Watetezi Real Madrid na Vigogo wengine kama vile Barcelona, Bayern Munich, Tottenham, Man City na Man United ambao wametinga hapo kwa Tiketi ya kuwa Mabingwa wa UEFA EUROPA LIGI.

Kwenye Droo hiyo ya Jana, Timu ziligawiwa Makundi Mawili ya Njia ya Ligi, kwa Timu zizofuzu kwa nafasi zao za Ligi zao, na lile la Njia ya Mabingwa, inayohusu Mabingwa wa Nchi.

Mechi za Raundi ya Tatu Mtoano zitachezwa Julai 25 na 26 na Marudiano ni Agosti 1 na 2.

UCL, UEFA CHAMPIONZ LIGI 2017/18

DROO KAMILI

Njia ya Ligi

FCSB (ROU) v Viktoria Plzen (CZE)

Nice (FRA) v Ajax (NED)

Dynamo Kyiv (UKR) v Young Boys (SUI)

AEK Athens (GRE) v CSKA Moskva (RUS)

Club Brugge (BEL) v Istanbul Basaksehir (TUR)

Njia ya Mabingwa

Slavia Praha (CZE) v BATE Borisov (BLR)/Alashkert (ARM)

Spartaks Jurmala (LVA)/Astana (KAZ) v IFK Mariehamn (FIN)/Legia Warszawa (POL)

Zrinjski (BIH)/Maribor (SVN) v FH Hafnarfjördur (ISL)/Víkingur (FRO)

Žilina (SVK)/København (DEN) v Malmö (SWE)/Vardar (MKD)

Linfield (NIR)/Celtic (SCO) v Dundalk (IRL)/Rosenborg (NOR)

Hapoel Beer-Sheva (ISR)/Honvéd (HUN) v Žalgiris Vilnius (LTU)/Ludogorets (BUL)

Viitorul (ROU) v APOEL (CYP)/Dudelange (LUX)

Hibernians (MLT)/Salzburg (AUT) v Rijeka (CRO)/TNS (WAL)

Qarabag (AZE)/Samtredia (GEO) v Sheriff (MDA)/Kukësi (ALB)

Partizan (SRB)/Buducnost Podgorica (MNE) v Olympiacos (GRE)

Kalenda

Droo

19/06/17: Droo Raundi ya 1 na 2 za Mtoano

Raundi ya Kwanza Mtoano

27–28/06/17: Mechi za Kwanza

04–05/07/17: Mechi za Pili

Raundi ya Pili Mtoano

11–12/07/17: Mechi za Kwanza

Droo

14/07/17: Droo Raundi ya 3 Mtoano

Raundi ya Pili Mtoano

18–19/07/17: Mechi za Pili

Raundi ya Tatu Mtoano

25–26/07/17: Mechi za Kwanza

01–02/08/17: Mechi za Pili

Droo

04/08/17: Raundi ya Mwisho Mchujo

Raundi ya Mwisho Mchujo

15–16/08/17: Mechi za Kwanza

22–23/08/17: Mechi za Pili

Droo

24/08/17: Makundi

Makundi

12–13/09/17: Mechi ya 1

26–27/09/17: Mechi ya 2

17–18/10/17: Mechi ya 3

31/10/17–01/11/17: Mechi ya 4

21–22/11/17: Mechi ya 5

05–06/12/17 Mechi ya 6

Droo

11/12/17: Raundi ya Mtoano Timu 16

Raundi ya Mtoano Timu 16

13–14/02/18 and 20–21/02/18: Mechi za Kwanza

06–07/03/18 and 13–14/03/18: Mechi za Pili

Droo

16/03/18: Robo Fainali

Robo Fainali

03–04/04/18: Mechi za Kwanza

10–11/04/18: Mechi za Pili

Droo

13/04/18: Nusu Fainali na Fainali

Nusu Fainali

24–25/04/18: Mechi za Kwanza

01–02/05/18: Mechi za Pili

Fainali

26/05/18: (NSK Olimpiyski, Kyiv, Ukraine)

KLABU NA HATUA WANAZOANZIA:

Makundi

Real Madrid

Chelsea

FC Porto

Feyenoord

Barcelona

Tottenham Hotspur

AS Monaco

Besiktas

Atletico Madrid

Man City

Paris Saint-Germain

FC Basel

Bayern Munich

Juventus

Man United

RB Leipzig

AS Roma

Shakhtar Donetsk

Borussia Dortmund

Benfica

Anderlecht

Raundi ya Mwisho Mchujo

Sevilla

Liverpool

Sporting Lisbon

1989 Hoffenheim

Napoli

Raundi ya 3 Mtoano

Slavia Prague

Nice

Ajax

AEK Athens

Olympiacos

CSKA Moscow

Istanbul Basaksehir

Steau Bucuresti

Viitorul Constanta

Dynamo Kyiv

Young Boys

Club Brugge

Viktoria Plzen