ALVARO MORATA KAANZA CHELSEA, TATHMINI MECHI YAKE YA KWANZA, NINI CONTE KASEMA!

JANA Alvaro Morata alianza kuichezea Chelsea kwa mara ya kwanza walipofungwa 3-2 na Bayern Munich huko Singapore.
BAYERN CHELSEAKwenye Mechi hiyo, Mchezaji huyo wa Kimataifa wa Spain aliingizwa katika Dakika ya 63 na mchango wake mkubwa ni kusaidia kupatikana Bao la Pili la Chelsea katika Dakika ya 85 mfungaji akiwa Michy Batshuayi.
Meneja wa Chelsea Antonio Conte amekiri Alvaro Morata anahitaji muda zaidi ili kujiiingiza kwenye staili ya uchezaji wa Mabingwa hao wa England.
Jana, alipoingizwa Morata alicheza kwenye Fowadi ya Mtu 3 yeye akiwa pembeni Kushoto, Batshuayi akiwa Kati na Willian pembeni Kulia huku Chelsea wakitumia Mfumo aupendao Conte wa 3-4-3.
Mbali ya kuchangia Bao la Batshuayi, Morata hakujaribu Shuti lolote Golini ingawa alionyesha umahiri wake mkubwa wa kuburuza Mpira kutoka katikati ya Uwanja kuongoza mashambulizi ya Timu yake.
Akiwa na Real Madrid, Morata, mwenye Umri wa Miaka 24, alikuwa akichezeshwa Fowadi Kati lakini mara nyingi alitupwa Kushoto.
Jana Conte alimtupa Kushoto na pia kumtaka awe anatumbukia Kati kila unapotokea mwanya ili kumsaidia Batshuayi.
Kwa sasa Chelsea haina Staa wao Eden Hazard anaeuguza Majeruhi yake na pengine hatarajea hadi Septemba.
Katika kipindi cha kukosekana kwa Hazard, inadhaniwa Conte atatumia Fowadi hiyo hiyo ya Mtu 3 ya Morata kuwa pembeni Kushoto, Batshuayi akiwa Kati na Willian pembeni Kulia
Bila shaka Hazard akirejea, Morata atarudishwa Kati na Hazard kucheza pozisheni yake ya kawaida ya upande wa Fowadi Kushoto.
NINI CONTE KASEMA:
Conte, alivutiwa na uchezaji wa Morata, na ameeleza: "Lazima tumpe muda zaidi kujisuka kwenye staili yetu ya Uchezaji. Ni wazi atafurahia uchezaji wake katika Mechi yake ya kwanza!"
Aliongeza: "Ni ngumu kueleza mchango wa Morata kwa sasa kwani tumekuwa nae kwa Siku 2 tu. Inabidi afanye kazi zaidi na kuelewa mfumo wetu. Lakini ameonyesha nia thabiti na yeye ni Mchezaji mzuri mno tuliemnunua!"

CHICHARITO RASMI WEST HAM DAU £16M!

CHICHARITOWest Ham wamekamilisha Uhamisho wa Dau la Pauni Milioni 16 kwa Straika wa Mexico Javier Hernandez kutoka Klabu ya Germany Bayer Leverkusen.
Mchezaji huyo wa zamani wa Manchester United amesaini Mkataba wa Miaka Mitatu.
Mwezi Mei, Hernandez, maarufu kama Chicharito, aliweka Rekodi ya kuwa Mfungaji Bora wa Timu ya Taifa ya Mexico katika Historia yao.
Chicharito, mwenye Umri wa Miaka 29, atakuwa ndie Mchezaji Kihistoria atakaelipwa Mshahara mkubwa huko West Ham akizoa kitita cha £140,000 kwa Wiki.
Wiki iliyopita West Ham iliafikiana na Klabu ya Chicharito Bayer Leverkusen na kisha kutoa taarifa rasmi kuthibitisha Uhamisho huo.
Kabla kuuzwa huko Germany kwa Bayer Leverkusen, Chicharito alikuwa na Manchester United kati ya 2010 na 2015 akifunga Bao 59 katika Mechi 156 na kutwaa Ubingwa wa England mara 2 na Msimu wa 2014/15 kupelekwa Real Madrid kwa Mkopo.
Agosti 2015 Chicharito aliuzwa kwa Leverkusen ambako alipiga Bao 39 katika Mechi 76.
Fowadi huyu ameichezea Mexico Mechi 96.
Hadi sasa, katika Dirisha la Uhamisho la sasa, West Ham wamesaini Wachezaji Watatu ambao ni Mchezaji wa Stoke City Marko Arnautovic, aliesainiwa kwa Dau la Rekodi ya Klabu, Pablo Zabaleta, kama Mchezaji Huru kutoka Man City na Kipa wa Man City Joe Hart aliejiunga kwa Mkopo wa Msimu Mmoja.
 

CHICHARITO KUTUA LONDON JUMANNE KUPIMWA WEST HAM!

Javier Hernandez, maarufu kama Chicharito, ataruka kwenda London Jumanne kupimwa Afya yake na kukamilisha Dili ya kuhamia West Ham.
CHICHARITOChicharito, mwenye Umri wa Miaka 29 na ambae huchezea Timu ya Taifa ya Mexico, atakuwa ndie Mchezaji Kihistoria atakaelipwa Mshahara mkubwa huko West Ham akizoa kitita cha £140,000 kwa Wiki.
Wiki iliyopita West Ham iliafikiana na Klabu ya Chicharito Bayer Leverkusen na kisha kutoa taarifa rasmi kuthibitisha Uhamisho huo.
Kabla kuuzwa huko Germany kwa Bayer Leverkusen, Chicharito alikuwa na Manchester United kati ya 2010 na 2015 akifunga Bao 59 katika Mechi 156 na kutwaa Ubingwa wa England mara 2 na Msimu wa 2014/15 kupelekwa Real Madrid kwa Mkopo.
Agosti 2015 Chicharito aliuzwa kwa Leverkusen ambako alipiga Bao 39 katika Mechi 76.
Fowadi huyu ameichezea Mexico Mechi 96.
Hadi sasa, katika Dirisha la Uhamisho la sasa, West Ham wamesaini Wachezaji Watatu ambao ni Mchezaji wa Stoke City Marko Arnautovic, aliesainiwa kwa Dau la Rekodi ya Klabu, Pablo Zabaleta, kama Mchezaji Huru kutoka Man City na Kipa wa Man City Joe Hart aliejiunga kwa Mkopo wa Msimu Mmoja.

MOURINHO: ‘DE GEA HAENDI REAL, BALE HAJI MAN UNITED!'

MENEJA wa Manchester United Jose Mourinho amesisitiza Kipa David De Gea atabaki kuwa Mchezaji wao kwa Msimu ujao huku pia akisema nia yake ni kupata Mchezaji Mmoja Mpya au Wawili lakini Fowadi wa Real Madrid Gareth Bale si mmoja wao.

DAVID DE GEA

MANUNITED MOURINHO HATARIJose Mourinho amesisitiza David De Gea atabakia Manchester United kwa Msimu ujao kwani Kipa huyo hana nia kujiunga na Real Madrid kama inavyozushwa.

Kwenye Duru nyingi za Soka ilivumishwa kuwa Real Madrid itatoa Ofa kumnunua De Gea baada ya kumkosa Dakika za mwisho za Siku ya Mwisho ya Dirisha la Uhamisho Mwaka 2015.

Mourinho ameeleza: "Nawahakikishieni De Gea hahami Msimu huu!"

Vile vile Mourinho ametoboa De Gea amekiri uwepo wa Kipa wa Akiba Sergio Romero ambae pia hudakia Timu ya Taifa ya Argentina kumemfanya awe bora zaidi.

Mourinho ameeleza kwa jinsi Romero alivyodaka Msimu uliopita, hasa kwenye UEFA EUROPA LIGI, kulimsukuma De Gea kuwa makini na kukaza Buti Mazoezini na kwenye Mechi.

Mourinho pia ameeleza uteuzi wa Kipa yupi atacheza Mechi zipi Msimu ujao utazingatia uzito wa Mechi na pia anataraji Kipa wa 3 Joel Pereira atajifunza mengi kutoka kwa De Gea na Romero.

WAPYA

Vile vile Mourinho amekiri ana nia ya kuongeza Wachezaji Wapya lakini amekiri ugumu wa Soko lenyewe.

Ameeleza: "Kutaja Majina ni ngumu kwangu kwani ni Wachezaji wa Klabu nyingine. Mameneja na Wamiliki wa Klabu nyingine hawapendi uzungumzie kununua Wachezaji wao. Hata mie sipendi uzungumzie Wachezaji wa Manchester United. Mie sifichi plani zangu..nilitaka Wachezaji Wanne ili Timu iwe na uwiano mzuri Kiwanjani."

Aliongeza: "Kwa sasa nakipenda Kikosi changu lakini bado nina matumaini ntaongeza wa 3 na labda wa 4!"

BALE HAJI

Wakati huo huo, Jose Mourinho amefuta kabisa kuwa Manchester United itatoa Ofa kumnunua Fowadi wa Real Madrid Gareth Bale katika kipindi hiki.

Kwa muda mrefu Man United imekuwa ikihusishwa na Bale na Mwaka 2013 nusura impate lakini Mchezaji huyo akasainiwa na Real Madrid kutoka Tottenham.

Lakini Mourinho amethibitisha kuwa, kama ilivyo kwa Cristiano Ronaldo, Bale si mlengwa wake.

MAN CITY KUWASAINI BENJAMIN MENDY NA DANILO, MATUMIZI YAO KUGOTA £220M!

MENDYMANCHESTER CITY wanakaribia kukamilisha Dili za kuwaunua Benjamin Mendy na Danilo na ununuzi huo utawafanya wafikie Pauni Milioni 220 katika kununua Wachezaji katika kipindi hiki.

Tayari City imewanunua Kipa kutoka Benfica Ederson kwa Dau linalokisiwa kuwa ni Pauni Milioni 34.7 na Mchezaji wa AS Monaco Bernardo Silva.

City inatarajiwa kumpata Mendy kutoka AS Monaco kwa Dau la Pauni 54 na pia Danilo, mwenye Miaka 27, kutoka Real Madrid kwa Dau la Pauni Milioni 30.

Imetobolewa kuwa Danilo tayari ashaafiki Mkataba wa Miaka Mitano na Dili hii itakuwa rasmi katika Masaa 48 yajayo.

Hivi sasa Danilo yupo Kambini na City huko Los Angeles, USA na ataruhusiwa kuondoka kwenda kupimwa Afya.

Manchester City – Uhamisho:

Ndani

Bernardo Silva (AS Monaco) Ada Pauni Milioni 42.5

Ederson (Benfica) Ada Pauni Milioni 34.7

Kyle Walker (Tottenham) Ada Pauni Milioni 43.35

Douglas Luiz (Vasco da Gama) Ada Pauni Milioni 10.2

Nje

Pablo Zabaleta (West Ham) Bure

Gael Clichy Ameachwa

Jesus Navas Ameachwa

Willy Caballero Ameachwa

Bacary Sagna Ameachwa

Enes Unal (Villarreal) Ada Haikutajwa

Angus Gunn (Norwich City) Mkopo

Aaron Mooy (Man City) Ada Pauni Milioni 8

Bersant Celina (Ipswich Town) Mkopo

Manchester City – Mechi kuelekea Msimu Mpya:

20 Julai v Manchester United, NRG Stadium, Houston, Texas (International Champions Cup) [0-2]

26 Julai v Real Madrid, Los Angeles Memorial Coliseum, (International Champions Cup)

29 Julai v Tottenham Hotspur, Nissan Stadium, Nashville, Tennessee (International Champions Cup)

4 Agosti v West Ham United, Laugardalsvollur National Stadium, Reykjavik